आई जगतजननी जगदम्बा माता सीता के अवतरण दिवस जानकीनवमी के उपलक्ष्य में हर वर्ष जकाँ अखिल भारतीय मिथिला राज्य संघर्ष समिति के आवाहन पर मिथिला राज्य संकल्प दिवस के रूप में एकरा मनाओल गेल आ संगहि अखिल भारतीय मिथिला पार्टी के तरफसँ सम्मिलित रूपसँ समस्त मिथिलावासी के मिथिला राज्य आँदोलन में जागृत होबाक लेल आवाहन कयल गेल।
एहि शुभ दिन में मिथिला के राज्य समर्थक युवा लोकनि आ मैथिल मंच , अखिल भारतीय मिथिला पार्टी युवा संस्कार मिथिला फाऊंडेशनके संयोजन में मिथिला राज्य लेल प्रतीकात्मक एकता प्रदर्शन हेतु सामूहिक अभियान चलाओल सोशल मीडिया फेसबुक, ट्विटर आ आन माध्यम सँ लाकडाउनक बाध्यता संग।
एकसंग समस्त सोशल मीडिया पर संगहि जमीनी स्तर पर राजनीतिक आ गैरराजनीतिक ध्रुवीकरण देखायल मिथिला राज्य के समर्थन में। एक तरफ मिथिला नाम सँ ट्विटर पर सबसँ आगा ट्रेंड कयलक आ दोसर तरफ मिथिला राज्य के समर्थन में उठि रहल आवाज शनै:-शनै: हर मैथिल आत्मा के मिथिला लेल ठाढ़ होयबाक लेल प्रेरित कय रहल अछि।
